venerdì 23 dicembre 2011

Grassie Gesù bambino

Par na volta a vojo essare bon, e par Nadae go deciso de farve un regaeo.

Imaginè de ver vinto en viajo premio, en tichet par uno de quei parchi divertimenti, Gardaland o queo che ve piase de pi.
Col tichet, ghe ze anca il fri pic ap, come che dize i bechpechers, che voe dire che i vien anca torve casa. Ve dà da magnare e tuto quanto, gavì soeo che goderve ea vacansa.
Ze na bea roba o no ?
E unica roba ze che no savì quando che i vien torve par menarve casa.

Sio pronti ?
E ora il regaeo ze che il tichet e o gavì zà ciapà, ve o ga dà in man dopo quei 5 minuti che to pare se ga dà fare e to mama se restà in stato interesante, come che se dize.
Là i ze vegnù torte dove che te ieri, tra i angioeti o no so dove e i te ga menà qua dove che te sì desso.

Te podarissi dirme che no ghe ze tanto da divertirse, coa crisi e cassade varie. E ora mi te digo che se te te diverti o no ze soeo che cassi tui. Vojo dire, se te pensi che divertirse sia magnare, bere, ciavare e no fare un casso no the ghè capio un'ostrega.
Quando che te vè al cinema, e te vardi un film oror, o dramatico, te divertito ?
Cossa ghe ze da divatirse ?

A me ricordo co so ndà coa morosa vecia a vedare titanic, co tuta ea gente che more, ea ga pianto pa un'ora o do e aea fine ga dito "beo ciò".
A me vegnaria da dire "a te sito fulminà el cerveo ? Te pianzi pa un'ora e te disi che ze beo ?" Eh... Ze emosion.

Ma co te tocà ti ciaparla in cesto no te disi mia "beo ciò".
Il fato ze che te pensi de vere qualcossa. To mojere, to fioi, el to lavoro, to schei, el to cafetin, ea to idea e se no te ghe ninte de pare de no vere un casso.
Il fato ze che no te ghè un casso.
Stampatea in testa sta roba: no te ghè un casso.
Tuto queo che te pare de vere ze in prestito, tuto va e vien, no te poi tegnere ninte.

Te disi tanto dei poitici, che ze tacai al segiolon ma ti te si compagno. Te si tacà coe ongie e coi denti a queo che te ghè, a queo che te piaze, a queo che te pensi e se te capita qualcosa de diverso te pare de morire.
E anca se te mori ?
Prima o poi me toca tuti, e cossa ze che sucede ? Ze soltanto un tornare casa, coi angioeti o queo che sarà. Par cui sta quieto, no sta lamentarte.
Te vedi el soriso de na bea toseta ? Anca se te va ben, no ze tuo. Vardeo, dì grassie e tira vanti.
Te eo ga ciapà in cesto naltra volta ? Desso te fa mae, ma dopo te passa. Tasi, porta casa ea lesion e tira vanti.
No sta tacarte co ninte, tuto poe essare beo o utie, ma tuto riva e passa.

Te ghe vinto sto tichet, te ghè sto parco divertimenti, goditeo, varda cossa che ghe ze, impara come che funsiona.
Te ga messo a recitare dentro un film e te ga dito "fa quel casso che te voi". Divertate. Osa. Tote un rishcio. Vivi ben queo che te capita.



Eniuei ea prima volta che so ndà a Gardaland qualche mona me ga dito "dai che ndemo sue montagne russe". "Ma sito sicuro ?" ghe go dito. E staltro "Va ponà."
E so ndà cosi ponà che dopo go spantassà anca el paneton de l'ano prima e so stà mae tuto el giorno.
Ea seconda volta so ndà tuto el tempo drio e tosete e no me so divertio un casso.
Ea tersa volta go dito "Co tuti i schei che spendo par vegnar qua a vojo anca vedare ben come che funsiona" e go provà tute e giostre, do volte que che me piazeva, go fato el mona e finalmente go vudo sodisfasion. Go dito "no ze gnanca tuta sta merda sto gardaland".

Cossì go scrito na letera a Gesù bambino par ringrasiarlo del tichet.
Caro Gesù bambino, grassie.
Grassie a ti e ai to compari che ze vegnui torme dove che iero e me ga menà qua. I me ga dito che quea volta ghe ze stà un fià da combatare ma aea fine ghe a ghemo fata, e manco mae.
Grassie par tuto queo che te me ghe dà, da magnare, da dormire, educasion e compagnia bea. Vojo dire, ea lista saria longa ma se vede che te fato un bel lavoro parché co me vardo a eo specio dopo na docia digo sempre "ma varda se te voi vedare, varda che bel toso".
Grassie par tute e volte che a go ciapà in cesto parché ze là che go capio e go imparà ea major parte dee robe, e sopratuto go catà ea motivasion par cambiar e vegnare cercarte seriamente, che ze stà ea mejo mossa de tute.
Grassie par tute e volte che me so roto i cojoni, parché go capio che tuto passa e lamentarse non serve a un'ostrega, ansi e te me ghe nsegnà a vedare tuta ea bea roba che Papà ga meso in giro.
E dighe grassie a Papà de tuta sta bea roba che ogni tanto me vien da pianzere da quanto bea che a ze. De sto cieo blu, dei tramonti, dei sorisi dee bee tosete e dei putei, dea natura co sti boschi verdi e i fiumi, e ste cascate che pare che spaca tuto.
Grassie par i animai, ea fruta e verdure e el magnare, che no ghe ze verso da vedarli tuti parché ne cato sempre de novi.
Grassie dea musica e de tute e arti dei omani, dea lunghissima lista de quei che ze vegnui darme na man co no savevo come ndarghene fora.
Grassie par tute e volte che go paura e ti te me dè corajo, così ghe provo e aea fine ghea fasso in stesso.
Grassie par tute e persone che me voe ben, e par quei che me ne ga vossù par ea longa strada che ga menà fin qua.
Grassie parché te me assi libero de essare queo che so', parchè te me insegni a essare queo che so'.
Grassie par sto tichet, ghe go messo na vita ma me pare d'aver scominscià godermeo.



Gesù bambino, voria domandarte na roba.
Co te vien torme par ndare casa, se ghemo da ciapare eo sliping bus, queo che se dorme de note, a podaria, se ze posibie, vere un posto singoeo ?
No, parché l'ultima volta te me ghe meso neo steso posto un russo grosso come queo de Rocky, e ghevimo un metro in do, eo ze sta gentie par carità ma insoma.
Co me giravo da na parte me pareva de bazarlo in boca, co me giravo da staltra me pareva de ciaparlo in cueo... tasi che a ea fine ea ga capia e se ga girà da ea parte giusta.
Capissito cossa vojo dire ? Tanto ze gratis, no ?

Grassie Gesù bambino!

Buon Natale! Sia Luce negli occhi e nei cuori!



Thank you Jesus the child

For once I want to be good so I choose to give you a gift for Christmas.

Imagine to win a journey, a ticket for an amusement park, Disneyland or that one that you like more.
With the ticket there is also free pick up and free food, you have just to enjoy that time. It's a good thing, isn't it ?
The only strange thing is that you don't know when they come to pick you up to bring you at home.

Are you ready ?
The gift is you've already gotten the ticket, they gave it in your hand after those 5 minutes when your father got busy and your mother got pregnant.
At that time they came to pick you up where you was, between the angels or wherever, and they brought here where you are now.

You could say me that there is not too much to enjoy, with the crisis and other problems. Then I say you that if enjoy or not it's just your fault. I mean, if you think that to enjoy is only eating, drinking, fucking and doing nothing, you didn't understand anything.
When you go to the cinema, and you watch an horror movie, or a dramatic one, do you enjoy ? What there is to enjoy ?

I remember when i've been with the old girlfriend to watch the movie "titanic", with so many people who die, she cried for one hour or two, and then she said "beautiful". So I could think: are you crazy ? You cry for one hour and you say "beautiful" ? Such it's an emotion.

But when it's your turn to be fucked then you don't say anymore "beautiful". The fact is that you think to have something. Your wife, your sons, your job, your money, your house, your drink, your reputation, your ideas...
The fact is that you don't have anything.
Print it in your mind: you don't have anything.
Everything you think to have is on loan, it's illusion, everything comes and goes, you can't hold anything.

You complain a lot about politicians but you are the same. You are attached with the nails and the teeth to what you have, what you like, what you think and if something different happens you feel to die.
And even if you die ?
Before or later we all we have to die and what's úp ? It's just a coming back home with the angels or whatever will be. So be quiet, don't complain.
Do you see the smile of a pretty girl ? Even if it's going well, it's not yours. Watch it, say thank you and go ahead.
Have you been fucked again ? Now it's painful but later it will get better. Shut up, learn the lesson and go ahead.
Don't be attached to anything, everything can be beautiful or useful, but it comes and goes, it's an illusion.

You won this ticket, you are in this amusement park, enjoy it, look at what there is, learn how it works.
You're playing in this movie and they said you "Do what you fucking want". Enjoy it. Dare. Take a risk. Live well whatever happens.



Anyway the first time that I have been in an amusement park some stupid one told me "let's go on the roller coaster" "But are you sure ?" I said. "Be confident".
I've been confident and I vomited even the Christmas lunch of the last year and i felt bad all day.
The second time i played all the time with the girls and i didn't enjoy too much.
The third time I said "With all the money that i pay for the park i want to know very well how it works". Then i tried every attraction, the best ones twice, i played a lot and finally I got satisfaction. I said "It's not so bad this park".

So i wrote a letter to Jesus the child to thank him for the ticket.
Dear Jesus the child, thank you.
Thank you because you and your friends came to pick me up where I was and you brought me here. They told me that it hasn't been easy but finally we did it, and it has been so good.
Thank you for everything you gave me to eat, to sleep, education and go on. I mean, the list would be long, but you see that you did a good job beacuse every time i watch me on the mirror after a shower i say "look such a handsome guy".
Thank you for every time I've been fucked beacuse it's there that I understood and learnt most of the things and above all I got the motivation to come to look for you, that it was the best move of my life.
Thank you for every time I've gotten fed up because it's there that i understood that everything comes and goes and that complaining is useless and I learnt to see all the beautiful stuff that Dad has put around the world.
And please, say thank you to Dad, that sometimes i feel to cry for how much beautiful is this stuff. For this blue sky, the sunsets, the smiles of the pretty girls and the children, for the nature with the green forest, the rivers and the waterfalls that seem breaking everything.
Thank you for animals, fruits and vegetables and the food, there is no way to see all them because I find it some new one all the times.
Thank you for the music and for all the human arts and for that longest list of people came to help me when I needed it.
Thank you for all the times that I'm afraid and you give me courage so I try and finally i succeed.
Thank you for who loves me, and for who loved me in this long way until here.
Thank you because you let me free to be what i am, because you teach me to be what i am.
Thank you for this ticket, I spent one life but finally I'm starting to enjoy it.



Jesus the child, I'd like ask you a question.
When you'll come to pick me up to come back home, if we have to take the sleeping bus, could i have, if it's possible, having a single seat ?
Just because last time I had in my place a russian guy big as that one of Rocky, and we shared one metre, he was kind but...
When i turned in one side it seemed to me to kiss him on the mouth, when i turned in the other side i seemed to take it in the ass... finally he understood and he turned in the right side, but you understand what i mean ?
Anyway it's free, isn't ?

Thank you Jesus the child!

Happy Christmas, be light in the eyes and in the hearts.



martedì 6 dicembre 2011

Eniuei (onli for padovan spikers)

A ve dirò un segreto. Paso così tanto tempo da soeo, che go scominsià a parlare tra mi e mi in diaeto, che così me a paso via e me pare de stare casa.
Tanto no ghe ze tanta diferensa. Sti qua, che te parli inglis o queo che te voi, ni capise un'ostrega e ora almanco me diverto un fià.
A dire ea verità, sta idea me a ga dà me fradeo, che eo ze bituà parlare coi indigeni in diaeto.
Soeo che eo eo capisse eo stesso, ma no so mia se ga provà co sti qua dee tribù.

A so sta in giro pa ste tribù, che mi me pare tute uguai.
I vive nee capane in mezo ai monti, coi poastri, e oche, e i porsei. Qualche volta go visto che i tien i porsei soto ea capana, se vede che i ga paura che ghe scampa, ma chissà che spusa de merda che i gavarà in casa.
A voio dire, i bocie me pare bituà, i zoga in mezo al merdon tuto el tempo, e tante volte co rivo i vien domandarme e penne, come in africa.
Te dirò che i no pare gnanca tanto contenti, qua in laos.
Ghe ze qualcuno che te soride ma tanti i se fa i cassi sui e serti non te risponde gnanca se te i saudi.
Serti i pare cossi immusonà, che se te ghe disi muso da can te ghe soeo che dito ea verità.

Eniuei (come che i dise sti bechpechers, quei che va in giro col zaino sue spae), qua ze pien de bocie. No go capio se ze parché ni ga un casso da fare co riva sera, se ze parché ni ga educasion, o parché i goldoni costa masa.
A go pensà che saria un bel bisness, vendare goldoni a sti qua dee tribù, ma come casso ghe spiego come che i funsiona ?

Eniuei, a pareva che da ste parti e femane dovesse tute saltarme dosso e invese... col casso!
A me so domandà anca parché, go dito:
Sarà el zaino che spusa da freschin ?
Sarà e braghe onte de merdon ?
Mah...

I me ga dito che qua in asia ze e done che lavora e i omani che varda. Efetivamente no me pare che i se spaca ea schina, qualche volta ne go visto uno ndare in giro co eo sciopo, ma pi che altro i mena vanti en drio i motorei.
Saria gnanca mae, soeo che bisogna catarghene una. E se sposa a 22 ani, così che prima e ze masa zovani e dopo e ze zà sposà.
Ne go catà una che me rompe i cojoni tuti i giorni che ea voe vegnare in Iurop, che ea pensa de fare schei e bea vita.
Ghe go dito: intanto te me a cai e poi vedaremo.
O che no a ga capio o che ga fato finta de ninte, podì imaginare come che a ze finia, a me toca diventare santo par forsa.

Ea setimana pasà ne go catà una che iera drio spetare il tragheto come mi e gaveva do gambe bee in mostra che i oci no iera piu boni de stacarsene. Così so ndà la direto e ghe go dito "da dove viento" e go tacà discorso insoma.
Ea vardavo drito in chei oci e sta qua me vardava e sorideva, a go dito "qua me buta proprio ben, desso ea ciapo e mea ciavo drio el banano".

No a ga mia tacà a parlarme del so boifrend ? Che a ze finia ma che intanto ea mena in giro pal mondo e vanti.
A go pensà "a sarà anca bea ma sta qua ze una che ciucia schei e anca se lamenta". Mi non vojo mia giudicare ma me nona buonanima gavaria dito "e femane ze tute putane".

Eniuei ze rivà ora de montare in tragheto e el boifrend ea ga ciamà e ea a me fà "vien anca ti" e mi son dà drio. A un serto punto go visto el boifrend: na via de mezo tra tarzan e Diego Abbatantuono in attila il fratello di Dio, alto, grosso, pien de muscoi, coi cavei longhi e i calsetti bianchi e e zavate.
A go dito "Speta, speta che mea moco, che se sto qua ghe e gira dopo i ghe toca catarme i tochi col reastreo".

A pareva anca che qua fosse tuto cip, come che dise i bechpechers, e invese go da stare tento.
Ze anca vero che te ghe un bel servisio pai schei che te paghi, se magna ben, ze caldin, i monti ze bei da vedare e dopo me togo na bicicleta e vago farme un gireto in mezo ea natura.

Eniuei, a tuti quei che me domanda schei o fac-simile, mi i mando tuti in figa de so mare. No so mia un'organisasion de beneficiensa. Coe tose so un fià pi delicato parché no ze polait (come che i dise i bechpechers, anca se sta paroea mi me pare na marca de dentifricio). Poi sti bechpechers me fa sempre "iu nou" e mi ghe digo: iu nou cossa ? Se te me disi, mi nou, se no mi no nou un casso e ora te poi anca ndare...
A so poeta e anca polait.

Eniuei, podì vedare come che so diventà poliglota (che no so se savì cossa che vol dire, vol dire uno che parla un mucio de lingue, ma varda se te voi vedare che sciensiato che so diventà), così me scusaré se ogni tanto fasso confusion coe paroe.

Co ea anda ghe go me sa che ea prosima volta se sentimo par Nadae. A spero de saudarve da qualche bea spiaja in bea compagnia.
Ah! No fasì masa sforsi par vegner catarme, so che se sta ben al fredo e in mezo al trafico e al nebion... divertive!
Eniuei... tuto ben. Bazeti e strucoti.